შპს კერძო სკოლა ნკ– ს მოსწავლეები ესტუმრნენ სოციალურ საწარმო “კოდალას”, სადაც ხის სათამაშოების ჯადოსნურ სამყაროში იმოგზაურეს. ჩვენ ვზრუნავთ არა მხოლოდ ჩვენი ბავშვების ზოგად განათლებაზე, არამედ მათი კრეატიული უნარების განვითარებაზეც. დავამზადოთ, მოვხატოთ და გავაფორმოთ ნაძვის ხე და შევხვდეთ ახალ წელს განსაკუთრებულად. ჩვენმა ხელმარჯვე მოსწავლეებმა მონაწილეობა მიიღეს მასტერკლასის პროგრამაში “ნორჩი ოსტატი” და დაეუფლნენ ხის ეკო-სათამაშოების შექმნის ტექნიკას. საკუთარი ხელით დაამუშავეს ხის მასალა, შექმნეს და მოხატეს საახალწლო დეკორაციები. ერთად შევიქმნათ წინასაახალწლო განწყობა.Read More
ემოციური, მხიარული და ძალიან ტკბილი დღე შპს კერძო სკოლა ნკ-ში. ერთი დღით ჩვენმა ბავშვებმა საჭირო უნიფორმები მოირგეს, ნამდვილ კონდიტერებად გადაიქცნენ და შოკოლადის ჯადოსნურ სამყაროში იმოგზაურეს, შემდეგ კი თავიანთი ხელით დამზადებული უგემრიელესი შოკოლადები დააგემოვნეს. მადლობა Konfetery -ს სადღესასწაულო განწყობისთვის.Read More
ახალი სასწავლო წელი ახალ სივრცეში ახალი იმედებით, პერსპექტივებითა და გამოწვევებით. შპს კერძო სკოლა ნკ გილოცავთ ახალი სასწავლო წლის დაწყებას და გთავაზობთ სრულიად განახლებულ გარემოში განათლების მიღების შესანიშნავ შესაძლებლობას. მასწავლებლებს, მოსწავლეებსა და მათ მშობლებს ახალი სასწავლო წლის დაწყება მიულოცეს: სკოლის დირექტორმა ნუგზარ ყენიამ, დირექტორის მოადგილემ სასწავლო-აღმზრდელობით დარგში ნატო გერმესაშვილმა, მასწავლებლებმა, მშობლებმა და კურსდამთავრებულებმა. სადღესასწაულოდ მორთულ გარემოში მოსწავლეებს მხიარული განწყობა შეუქმნეს ზღაპრის გმირებმა. პირველკლასელებს კი გადაეცათ სამახსოვრო სერტიფიკატები და საჩუქრები.Read More
კიდევ ერთი ლამაზი და დაუვიწყარი დღე NK-ში. დაწყებითი კლასების შემაჯამებელი ღონისძიება “იაკობის კვალდაკვალ”. ჩვენმა ნიჭიერმა ბავშვებმა კიდევ ერთხელ გაიხსენეს შესწავლილი ლექსები, მოთხრობები, გააცოცხლეს პერსონაჟები იგავ-არაკებიდან, წარმოადგინეს მუსიკალური ნომრები და დღე დღესასწაულად აქციეს.Read More
სამყაროს სიყვარული გადაარჩენს. მშვენიერი ემოციების ამოუწურავი წყარო კიდევ უფრო ლამაზი ხდება, როცა ადამიანი ისმენს ან კითხულობს სიტყვებს, რომლებიც მას ბედნიერს ხდის. გულების დღე NK-ში. სითბო, სიყვარული და პოზიტივი, რომელიც მოსწავლეებმა და მასწავლებლებმა ერთმანეთს გაუზიარეს. გულის ფორმის ფერად ფურცლებზე გადატანილი ემოცია, დაფასება, შექება, კომპლიმენტები, მადლიერება, სურვილები და ამ ფურცლებით მოფენილი ჩვენი სკოლის კედლები. ბავშვთა დაცვის დღისადმი მიძღვნილი გულების დღე და უთვალავი დადებითი ემოცია, რომელიც ჩვენს მოსწავლეებსა და მასწავლებლებს დიდხანს ემახსოვრებათ.Read More
