საოცარი შთაბეჭდილებებით დასრულდა 2021-2022 სასწავლო წელი “NK”-ის მოსწავლეებისთვის. ვერის პარკში ჩვენი ბავშვებისთვის ნამდვილი დღესასწაული შედგა. მოსწავლეებმა დაამზადეს ხელნაკეთი ნივთები და სათამაშოები. ითამაშეს გუნდური თამაშები: განძის ძიება, საპნის ბუშტებით შეჯიბრი და სხვა. “NK” ულოცავს ჩვენს თითოეულ მოსწავლეს სასწავლო წლის წარმატებით დასრულებას! გისურვებთ ბედნიერ დასვენებას!Read More
“NK”-ის მოსწავლეებმა წარმოადგინეს შემოქმედებით-საგანმანათლებლო პროექტი “ვეფხისტყაოსნის” ხელნაწერები და გამოცემები”. პროექტის მიზანი იყო მოსწავლეებისათვის “ვეფხისტყაოსნის” უძველესი ხელნაწერების გაცნობა, კვლევა-ძიების, წარმოსახვის, კომუნიკაციისა და გადაცემის უნარის განვითარება. მოსწავლეებმა ისაუბრეს პოემის იმ უნიკალურ ხელნაწერებზე, რომლებმაც საუკუნეებს გაუძლეს და ჩვენამდე მოაღწიეს, თუ რამდენად მნიშვნელოვან კულტურულ ღირებულებას წარმოადგენს ჩვენი ქვეყნის ცხოვრებაში. ღონისძიებას ესწრებოდნენ ხელნაწერთა ეროვნული ცენტრის თანამშრომლები. აღსანიშნავია ის გარემოება, რომ სკოლა-ლიცეუმს ხანგრძლივი ურთიერთობა აკავშირებს აღნიშნულ ცენტრთან. ღონისძიებაზე გამოფენილი იყო “ვეფხისტყაოსნის” უძველესი ხელნაწერების ფოტომასალა. საგანმანათლებლო პროექტს...Read More
“NK”-ის მეთორმეტე კლასელებისათვის ტრადიციული ბოლო ზარი დაირეკა. მოსწავლეებმა გაიხსენეს ბავშვობის ლამაზი და ხალისიანი წლები, პირველი სასკოლო ნაბიჯები და შეხვედრა პირველ მასწავლებელთან. სკოლა-ლიცეუმის მოსწავლეებმა წარმოადგინეს მუსიკალური ნომრები. მეთორმეტე კლასელებს სკოლის დამთავრება მიულოცეს სკოლა-ლიცეუმის დამფუძნებელმა ბატონმა ნუგზარ ყენიამ, პედაგოგებმა, მშობლებმა. მათ გზა დაულოცა ზემო ბეთლემის ტაძრის მოძღვარმა მამა იოანემ. მეთორმეტე კლასელებმა სკოლის დამთავრების აღსანიშნავად, ტრადიციისამებრ, ვერის პარკში დარგეს ნერგი. ვულოცავთ ჩვენს მეთორმეტე კლასელებს სკოლის დამთავრებას. ვუსურვებთ ულევ სიხარულს, კეთილდღეობას, წინსვლასა და წარმატებებს!Read More
პანდემიით გამოწვეული სირთულეების დაძლევის მიზნით, “NK”-ის დირექცია ცდილობს კლასგარეშე ღონისძიებებით საინტერესო და მრავალფეროვანი განწყობა შეუქმნას მოსწავლეებს. ამჯერად, მათთვის განსაკუთრებულად ტკბილი და სასიამოვნო დღე შედგა შოკოლადის მუზეუმში. მყუდრო და კომფორტულ გარემოში მოსწავლეებმა დაათვალიერეს უნიკალური კოლექცია და მოისმინეს ლექცია შოკოლადის წარმოშობის შესახებ. დასასრულს კი დააგემოვნეს ქართული წარმოების ცხელი შოკოლადიRead More
XX საუკუნის დასაწყისი(1910-1932წლები) ქართული ხელოვნების ისტორიის გამორჩეული და მნიშვნელოვანი პერიოდია. სწორედ ამ მოტივით დაიგეგმა “NK”-ის სტუმრობა საქართველოს ეროვნულ გალერეაში, სადაც მოსწავლეები გაეცნენ XX საუკუნის ქართული მოდერნიზმისა და თბილისური ავანგარდის ისტორიას. კერძოდ, ელენე ახვლედიანის, ლადო გუდიაშვილის, დიმიტრი შევარდნაძის, დავით კაკაბაძის, კირილე და ილია ზდანევიჩების, ქეთევან მაღალაშვილისა და სხვათა შემოქმედებას. გასვლით ღონისძიებას ხელმძღვანელობდნენ სახვითი და გამოყენებითი ხელოვნების მასწავლებლები: ნინო დაუშვილი და თამარ რამიშვილი.Read More
