20 დეკემბრის საქველმოქმედო აქციის გაგრძელება. ქველმოქმედება, სიკეთის კეთება, როგორც ადამიანის უმთავრესი მოვალეობა. “NK”-ის მოსწავლეები ესტუმრნენ მიუსაფარ მოხუცთა თავშესაფარს “კათარზისს”. მოხუცებს დამდეგი შობა-ახალი წელი მიულოცეს და გადასცეს საჭირო ნივთები და ტკბილეული, რომლებიც შეძენილი იქნა საშობაო-საქველმოქმედო გამოფენა-გაყიდვის შემდეგ შემოსული თანხით.Read More
თანაგრძნობა, სოლიდარობა და სათნოება ადამიანის უმნიშვნელოვანესი ღირებულებებია. სკოლისათვის კი უმთავრესია ჩვენი ბავშვები ამ ღირებულებების მატარებელ მოქალაქეებად აღვზარდოთ. ამ მიზნით “NK”-ში გაიმართა საშობაო-საქველმოქმედო გამოფენა-გაყიდვა, სადაც ჩვენმა მოსწავლეებმა წარმოადგინეს თავიანთი ფანტაზიით შექმნილი ხელნაკეთი ნივთები, აქსესუარები, ნახატები. შემოსული თანხით მიუსაფარ მოხუცთა თავშესაფრისთვის, “კათარზისი”, შეძენილი იქნება საჭირო ნივთები და ტკბილეული. სკოლის დირექცია მადლობას უხდის ჩვენს მოსწავლეებსა და მშობლებს საქველმოქმედო აქციაში აქტიური მონაწილეობისთვის.Read More
ჯადოსნური სამყარო, სადაც ყველაფერი განსხვავებული და არაჩვეულებრივია, სადაც მეცნიერება კიდევ უფრო საინტერესო და სანახაობრივია. ინტერაქტიული ექსკურსია ფიზიკის მუზეუმში, სადაც შესაძლებელია თითოეულ ექსპონატთან შეხება და საოცარი აზოტის შოუ ექსპერიმენტებით. “NK”-ის მოსწავლეთა შემეცნებითი, საგანმანათლებლო და მხიარული სასკოლო ექსკურსია ექსპერიმენტორიუმში.Read More
ქართული, ევროპული და ამიერკავკასიის რეგიონში გავრცელებული ავთენტური მექანიკური და კლასიკური მუსიკალური საკრავები, არღნების კოლექცია, ქართული ხალხური მუსიკის ხელნაწერი სანოტო მასალები, აუდიო-ვიდეო ჩანაწერები, ფონო-ფოტო მასალა, სახვითი და გამოყენებითი ხელოვნების ნიმუშები, გრამფირფიტაზე ჩაწერილი ქართული ხალხური და აღმოსავლური სიმღერები. “NK”-ის მოსწავლეთა საინტერესო და მუსიკალური დღე ქართული ხალხური სიმღერისა და საკრავების სახელმწიფო მუზეუმში. ვიზიტის ბოლოს, ჩვენმა მეხუთე კლასელმა და მრავალი საერთაშორისო კონკურსის გამარჯვებულმა, სესილი სივსივაძემ, შეასრულა ბეთჰოვენის პირველი სონატა და მიხეილ მაშკოვსკის ეტიუდი.Read More
გრძელდება “NK”-ის მოსწავლეთა ტური თავისუფალ და აგრარულ უნივერსიტეტებში. ამჯერად, უნივერსიტეტების სასწავლო გარემო დაათვალიერეს საბაზო საფეხურის მოსწავლეებმა. საბუნებისმეტყველო, ინჟინერიისა და კომპიუტერულ მეცნიერებათა ლაბორატორიები; მუზეუმი; ხელოვნებისა და არქიტექტურის აუდიტორიები; კულინარიის აკადემია; ბიბლიოთეკა; ვივარიუმი; სპორტული დარბაზები. მოსწავლეებმა მონაწილეობა მიიღეს ლაბორატორიულ ცდებში და კვლევებში.Read More
