შპს კერძო სკოლა ნკ-ს ეკო კლუბის “ეკოპოლუსის” წევრების შემეცნებით-საგანმანათლებლო ტური კახეთში.
დაუვიწყარი და მრავალფეროვანი ტური საქართველოს ისტორიის, კულტურისა და მეღვინეობის უნიკალურ სამყაროში.
მოსწავლეები ესტუმრნენ ძველი და ახალი შუამთის მონასტრებს, სადაც ახლოს გაეცნენ ქართული სულიერი კულტურის მნიშვნელოვან ძეგლებსა და მრავალსაუკუნოვან ისტორიას 
დაათვალიერეს ალავერდის ტაძარი – ქართული არქიტექტურის ერთ-ერთი გამორჩეული ნიმუში, რომელიც განსაკუთრებულ შთაბეჭდილებას ახდენს თავისი ისტორიული მნიშვნელობითა და სიდიადით.ესტუმრნენ წინანდალს – ალექსანდრე ჭავჭავაძის რეზიდენციასა და ისტორიულ ენოთეკას, სადაც მოსწავლეები გაეცნენ ქართული არისტოკრატიის კულტურულ მემკვიდრეობას, ჭავჭავაძეთა საგვარეულოს ისტორიასა და უნიკალური ღვინის საცავის მნიშვნელობას 
ტურის განსაკუთრებული ნაწილი დაეთმო ღვინის წარმოების თანამედროვე ტექნოლოგიების გაცნობას.
მოსწავლეებმა მიიღეს საინტერესო ინფორმაცია მეღვინეობის თანამედროვე პროცესების, ინოვაციური მეთოდებისა და ქართული ღვინის კულტურის განვითარების შესახებ.
