“თბილისის კინოსა და არქიტექტურის ტური”
ტური, რომელიც ჩვენი მოსწავლეებისთვის განსაკუთრებულ გამოცდილებად იქცა.
შპს კერძო სკოლა ნკ – ს მოსწავლეებმა იმ ადგილებში იმოგზაურეს, სადაც ქართული კინოს ისტორია იწერებოდა და სადაც გადაღებულია 1920-იანი წლებიდან 1990 წლამდე შექმნილი ცნობილი ფილმები.
მოისმინეს საინტერესო ისტორიები კინოს განვითარების შესახებ, გაიხსენეს ცნობილი მელოდიები და დიალოგები, რომლებმაც ეპოქა შექმნა. 
ტურის განმავლობაში მოსწავლეებმა დაათვალიერეს თბილისის ძველი ქუჩები და უნიკალური სადარბაზოები, რომლებიც ქალაქის მრავალფეროვან ისტორიას ინახავენ.
პარალელურად გაეცნენ თბილისის არქიტექტურულ განვითარებას – როგორ შენდებოდა ფილარმონია, მეტრო და სხვა მნიშვნელოვანი ნაგებობები.
ამ დღემ კიდევ ერთხელ შეგვახსენა, რომ თბილისი არის ქალაქი, სადაც ისტორია, კინოხელოვნება და არქიტექტურა ერთიან ამბად იკინძება.
